Ուրցաձոր համայնքի բնակիչ Սահակ Եղիազարյանը դիմում է ներկայացրել Դատարան հայրության ճանաչման փաստը հաստատելու պահանջի մասին: 01.11.2019թ. թիվ ԱՎԴ 1/0773/02/19 քաղաքացիական գործով ՀՀ Արարատի և Վայոց ձորի մարզերի առաջին ատյանի ընդհանուր իրավասության դատարանը վճռեց. դիմումը բավարարել՝ հաստատել իրավաբանական նշանակություն ունեցող՝ 25.01.2018թ. ծնված Գոռ Խոսրովյանի նկատմամբ Սահակ Բագրատի Եղիազարյանի կողմից հայրությունը ճանաչելու փաստը:
Նշված վճռի դեմ Լենա Պարգևի Խոսրովյանը (անչափահաս Գոռ Խոսրովյանի (Եղիազարյան) խնամակալ) 19.12.2019թ. վերաքննիչ բողոք է ներկայացրել: ՀՀ Վերաքննիչ քաղաքացիական դատարանի 11.05.2020թ. որոշմամբ Լենա Խոսրովյանի ներկայացրած բողոքը մերժվել է և թիվ ԱՎԴ 1/0773/02/19 քաղաքացիական գործով կայացված վճիռը թողնվել է անփոփոխ: Այնուհետև, Լենա Խոսրովյանը բողոք է ներկայացրել ՀՀ Վճռաբեկ դատարան 11.05.2020թ. ՀՀ Վերաքննիչ քաղաքացիական դատարանի որոշման դեմ: 22.09.2020թ. ՀՀ Վճռաբեկ դատարանի որոշմամբ թիվ ԱՎԴ 1/0773/02/19 քաղաքացիական գործով ՀՀ Վերաքննիչ քաղաքացիական դատարանի 11.05.2020թ. որոշման դեմ Լենա Խոսրովյանի վճռաբեկ բողոքը վարույթ ընդունելը մերժվել է: Որոշումն օրինական ուժի մեջ է մտել, վերջնական է և բողոքարկման ենթակա չէ: Այսպիսով՝ Սահակ Եղիազարյանը դատական կարգով ճանաչել է իր հայրությունը Գոռ Սահակի Եղիազարյանի նկատմամբ և դիմում ներկայացրել Արարատ քաղաքի խնամակալության և հոգաբարձության մարմնին, որպեսզի դադարեցվի Լենա Խոսրովյանի խնամակալությունը իր անչափահաս որդու՝ Գոռ Սահակի Եղիազարյանի նկատմամբ.
Ղեկավարվելով Հայաստանի Հանրապետության <<Քաղաքացիական օրենսգրքի>> 41-րդ հոդվածի 1-ին մասով, խնամակալության և հոգաբարձության մարմինների կանոնադրության 9-րդ մասի 21-րդ կետի ա/ ենթակետով և հիմք ընդունելով Արարատ քաղաքային համայնքի խնամակալության և հոգաբարձության հանձնաժողովի առաջարկությունը, Ուրցաձոր համայնքի բնակիչ Սահակ Եղիազարյանի դիմումը.
ՈՐՈՇՈՒՄ ԵՄ`
Արարատ քաղաքի Աբովյան 1/3 հասցեի բնակչուհի՝ Լենա Պարգևի Խոսրովյանին, ազատել իր խնամարկյալ Գոռ Խոսրովյանի (Եղիազարյան) (ծնված 25.01.2018թ.) նկատմամբ ունեցած խնամակալի պարտականությունների կատարումից: